پووتین گەشبینە بە پەیوەندییەکانی لەگەڵ ئەمریکا

ئاڤا نیوز

هەرچەندە بەهۆی لەشکرکێشییەکەی ڕووسیا بۆ سەر ئۆکراینا، پەیوەندییەکانی مۆسکۆ و واشنتن بەرەو دۆخێکی نادیار چووە بەڵام لەم قۆناغەدا سەرۆکی ڕووسیا  بە گەشبینییەوە دەڕوانێتە پەیوەندییەکانی وڵاتەکەی لەگەڵ ئەمریکا.

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، دوای گەڕانەوەی دۆناڵد ترەمپ،بۆ کۆشکی سپی و گەرەنتییەکی باش بۆ ئاساییکردنەوەی پەیوەندییەکانی نێوانمان هەیە، من دڵنیام کە توانا سەرکردایەتیی سەرۆکی ئێستای ئەمریکا، گەرەنتییەکی باشن بۆ ئاساییکردنەوەی پەیوەندییەکان، ئەوەی تاوەکو ئێستا هەیە، تەنیا هەنگاوی سەرەتایین بۆ بە تەواوی چارەسەرکردنی پەیوەندییەکانی مۆسکۆ و واشنتن.

زانیاریی زیاتر: هەفتەی ڕابردوو هەر یەکە لە دۆناڵد ترەمپ، سەرۆکی ئەمریکا و هاوتا ڕووسییەکەی لە ئەلاسکا کۆبوونەوە و دیدارێکی گرنگ و بەرهەمدارییان ئەنجام دا، بەمەش بووە هۆکاری نزیکبوونەوەی هەردوو وڵات.

لەلایەکی دیکەوە: ئەمە لەکاتێکدایە کە ترەمپ بەردەوامە لە هەڕەشەکردن بۆ سەپاندنی سزای زیاتر بەسەر مۆسکۆدا لەئەگەری ڕێککنەکەوتنی ئاشتی لەگەڵ ئۆکراینا.