بەرپرسی هەواڵگریی پنتاگۆن لە کارەکەی دوورخرایەوە

ئاڤا نیوز

بە بڕیارێکی پیت هێگسێت، وەزیری بەرگریی ئەمریکا جەنەڕاڵێک کە بەرپرسی هەواڵگریی پنتاگۆنە لە کارەکەی دوورخستەوە بەهۆی ئەوەی ترەمپی توڕە کردووە.

زانیاریی بەدەستهاتوو: بەپێی وتەی دوو کەسی ئاگادار لە بڕیارەکە و بەرپرسێکی کۆشکی سپی کە نەیان ویستووە ناویان ئاشکرا بکرێت ڕایانگەیاند، پیت هێگسێت، وەزیری بەرگری ئەمریکا، جەنەڕاڵ جێفری کروز چیتر وەک بەرپرسی دەزگای هەواڵگریی بەرگری ئەمریکا کارناکات و لە کارەکەی دوورخستەوە، بەهۆی ئەوە هەڵسەنگاندنی سەرەتایی هەواڵگریی دەزگاکەی سەبارەت بە زیانەکانی ئەمریکا بۆ شوێنە ئەتۆمییەکانی ئێران، دۆناڵد ترەمپ سەرۆکی ئەمریکای توڕە کرد.

هۆکارە زانراوەکان: لەمیانەی شەڕی 12  ڕۆژەی ئێران و ئیسرائیل، ئەمریکا هێرشی  بۆ سەر هەرسێ بنکەی ئەتۆمی ئێران  نەتەنز و ئەسفەهان و تۆردۆ ئەنجامدا، ترەمپ هێرشەکەی بە ناوازە پێناسە کرد و ئاشكرای کرد هێرشەکان بە تەواوی شوێنە ئەتۆمییەکانیان لەناوبردووە، ئەم جەنەڕاڵە لە هەڵسەنگاندنەکانی پێچەوانەی قسەی ترەمپی کردووە وتوویەتی کەهێرشەکان توانیوویەتی تەنیا چەند مانگێک بەرنامە ئەتۆمییەکەی ئێران دوابخات.

زانیاریی زیاتر: جیا لەم جەنەڕاڵە، دوو ئەفسەری باڵای دیکە  پۆستەکانیان بەجێدەهێڵن.