ڕۆژنامەیەکی بەریتانی: ئۆکراینا ڕەنگە تووشی شکستی سەربازی ببێت

ئاڤا نیوز

ڕۆژنامەی دەیلی تەلەگرافی بەریتانی لەبارەی پلانی ئاشتی دۆناڵد ترەمپ و ئەگەری پەککەوتنی پلانەکە وەک شكستی سەربازی بۆ کێیڤ پێناسە دەکات.

چیڕۆکی سەرەکی: مانگی ئاب دوو لووتکەی گرنگ سەبارەت بەجەنگی ڕووسیا و ئۆکراینا ئەنجامدرا، دۆناڵد ترەمپ سەرۆکی ئەمریکا لەگەڵ هەر یەکە لە ڤلادێمیر پووتین سەرۆکی ڕووسیا لە ئەلاسکا کۆبوونەوەی لووتکە ئەنجامدا، دوای سێ ڕۆژ لووتکەی ئەمریکی و ئەوروپی و ئۆکراینی لە کۆشكی سپی بەڕێوەچوو، بەڵام تاوەکو ئێستا ڕووسیا و ئۆکراینا لە هێرشکردن بۆ سەر پێگەی یەکتری بەردەوامن.

بڵاوکراوەی فەرمی: ساموێل ڕامانی،نووسەری ڕۆژنامەی دەیلی تەلەگراف نووسیوویەتی،'' ئەگەر ئیدارەی دۆناڵد ترەمپ، سەرۆکی ئەمریکا لە هەوڵەکانی بۆ چارەسەرکردنی کێشەکان سەرکەوتوو نەبێت، ڕەنگە ئۆکراینا ڕووبەڕووی شکستی سەربازی ببێتەوە، "پلانی ئاشتی ترەمپ نیشانەکانی پەککەوتن 'لەرزین' دەردەخات، ئەمەش وادەکات ڕووسیا کاتێکی زیاتری لەبەردەست بێت و  بۆ ئۆکرانیا ڕەنگە کارەساتبار بێت''.

زانیاریی بەدەستهاتوو: نووسەرەکە دەشڵێت، کیێڤ لە دوو بواردا لاوازی هەیە، یەکەمیان کەمیی هێزی مرۆیی، دووەمیان سەربازانی ئۆکراینا لە دۆنێتسک کەمن، کە ئەمەش وەک لاوازی بۆ ئۆکراینا دەمێنێتەوە.