سلۆڤاکیا کۆتایی بە بەکاربردنی خەڵوز دێنێت

ئاڤا نیوز

 

سلۆڤاکیا پلانی دانابوو هەنگاو بە هەنگاو تاوەکو ساڵی 2030 یەکجاری کۆتایی بە بەکاردبردنی خەڵووز بهێنێت، بەڵام ئێستا چاوەڕێ دەکرێت تاوەکو ناوەڕاستی ئەمساڵ، واتە 6 ساڵ پێش ئەو وادەیەی کە داینابوو، پلانەکەی جێبەجێ بکات.

 

بۆچی گرنگە: کارنەکردن بە بەکاربردنی خەڵووز کاریگەرییەکی بەرچاوی لەسەر کەمبوونەوەی دەردانی گازی دووەم ئۆکیسیدی کاربۆن دەبێت، بەم پێیە ئێستا بە نزیکەیی هەموو کارەبای سلۆڤاکیا لە وزەی ئەتۆمی و سەرچاوە نوێبووەوەکان دابین دەکرێت. 

 

ئەوەی پێویستە بیزانیت: وێستگەی وزەی ڤۆیانی دەکەوێتە ناوچەی میخالۆڤۆس لە ڕۆژهەڵاتی سلۆڤاکیا و لە ساڵی 1966ـەوە کراوەتەوە. 

 

زانیاریی زیاتر: لەناو وڵاتانی ئەندام لە یەکێتیی ئەوروپا، لە بەلژیکا، نەمسا، سوێد و پورتوگال هیچ وێستگەیەکی بەرهەمهێنانی کارەبا کە بە خەڵووز کار بکات، نەماوە.