بەرزکردنەوەی پلە و گواستنەوەی فەرمانبەران لە سەرجەم وەزارەتەکاندا ڕادەگیرێت

ئاڤا نیوز

بە فەرمانی سەرۆکوەزیرانی عێراق، پلەبەرزکردنەوە و گواستنەوەی فەرمانبەران لە سەرجەم وەزارەتەکاندا ڕاگیرا. فەرمانەکە تا ناوەڕاستی مانگی 11ی ئەمساڵ دەبێت.

وێنە گەورەکە: لە سەرەتای مانگی ئابدا، محەممەد شیاع سوودانی، سەرۆکوەزیرانی عێراق، فەرمانی بە وەزارەتی دارایی کردبوو دەست بە بەرزکردنەوەی پلەبەندی، زیادە مووچەی ساڵانە و بڕوانامە بەدەستهاتووەکان لە کاتی خزمەتدا بکات، دوای ئەوەی لە سەرەتای ئەمساڵەوە بە بیانووی پەسەندنەکردنی یاسای بودجە ڕاگیرابوون.

زانیاریی بەدەستهاتوو: سەرچاوەیەک لە ئەنجوومەنی وەزیرانی عێراق ئاشکرای کرد، سوودانی فەرمانی دا بەڕاگرتنی بەرزکردنەوەی پلەی فەرمانبەری و سوپاس و پێزانین بە ئەفسەران و فەرمانبەران تا 15ی مانگی تشرینی دووەمی داهاتوو.

سەرچاوەکە ئاماژەی بەوەشکرد، بڕیارەکە گواستنەوە و دانان و ڕاسپاردنی لە سەرجەم وەزارەتە سەربازی و مەدەنییەکانیش دەگرێتەوە.