لووتکەی شەنگەهای هەریەک لە پووتین و ئەردۆغان و پزیشکیان کۆ دەکاتەوە

ئاڤا نیوز

ئەمساڵ 25ـین لووتکەی ئەنجوومەنی سەرکردەکانی ڕێکخراوی هاریکاریی شەنگهای (SCO) لە شاری تیەنجین لە چین،  لە ڕۆژانی 31 ئاب بۆ یەکی ئەیلوول بەڕێوەدەچێت.

 

وێنە گەورەکە: ڕێکخراوی هاریکاری شەنگەهای، ڕێکخراوێکی ئاسایشیی، سیاسی، ئابووری و نێودەوڵەتیی ئۆراسیایە، لە ساڵی 2001 بە ئەندامێتیی چین، کازاخستان، قرغیزستان، ڕووسیا، تاجیکستان و ئۆزبەکستان دامەزرا. بڕیاروایە بۆ ئەمساڵ  زیاتر لە 20  سەرۆک و سەرکردەی وڵاتان  بەشداریی لووتکەکە بکەن.

 

زانیاریی بەدەستهاتوو: بڕیارە سبەی دووشەممە لە پەراوێزی لووتکەکە هەریەک لە ڤلادێمیر پووتین، سەرۆکی ڕووسیا لەگەڵ ڕەجەب تەیب ئەردۆغان، سەرۆککۆماری تورکیا و مەسعود پزیشکیان، سەرۆککۆماری ئێران سەبارەت بە ململانێی ئۆکراینا و بەرنامە ئەتۆمییەکەی تاران  گفتوگۆ بکەن.

 

لەلایەکی دیکە: لەگەڵ ئەوەشدا بڕیار وایە زیاتر لە 20  سەرۆک و سەرکردەی وڵات بەشدار بن، لەوانەش سەرۆکوەزیرانی هیندستان، سکرتێری گشتیی نەتەوەیەکگرتووەکان، سەرۆکوەزیرانی پاکستان و سەرۆکوەزیرانی مالیزیا بەشداریی ئەم لووتکەیە دەکەن، ئەمە جگە لە سەرۆکی 10 ڕێکخراوی نێودەوڵەتیی. 

 

کاریگەری و لێکەوتەکان: لە لوتکەکە چەندین سەرکردەی وڵات کە بەدەست کێشە و گرفتەوە دەناڵێنن، بەشدارن. هیندستان یەکێک لە وڵاتە کاریگەرەکانی لوتکەکەیە، دوای سەپاندنی پێناسی گومرگی بەڕێژەی %50 لەسەر کاڵای هیندستان لەلایەن ترەمپەوە، چاوەڕوان دەکرێت هیندستان بەدوای هاوبەشێکی دیکەی ئابووریی بگەڕێت کە نزیکترینی لێوەی: چینە.