بومەلەرزەیەکی بەهێز ئەفغانستان دەهەژێنێت

ئاڤا نیوز

زانایانی بواری بومەلەرزەزانی ئەمریکا ڕایگەیاندوو، بومەلەرزەیەکی بەهێز ناوچەی شاخاوی هیندۆس کوشی ئەفغانستانی گرتووەتەوە، کە هاوسنوورە لەگەڵ وڵاتی پاکستان.

بڵاوکراوەی فەرمی: بەگوێرەی ئەو زانیارییانەی کە ئاژانسی هەواڵی ڕۆیتەرز بڵاویکردووەتەوە، بومەلەرزەیەک بە گوڕی 6.2 پلەی ڕێختەر ڕۆژهەڵاتی ئەفغانستای هەژاندووە و تاوەکو ئێستا زیانەکانی دیار نییە.

زانیاریی زیاتر: ئاژانسی هەواڵی فرانس پرێس بڵاویکردووەتەوە، ناوەندی بومەلەرزەکە بە دووری 42 کیلۆمەتر لە باکووری ڕۆژهەڵاتی جەلال ئاباد بووە.

ئەوەی پێویستە بیزانیت: ئەفغانستان ناوچەیەکی چالاکی بومەلەرزەیە و کەوتووەتە سەر پلێتی  تەکتۆنیکی ئۆراسیا و هیندستان.