زێلێنسکی لەگەڵ سەرکردەکانی ئەوروپا کۆدەبێتەوە

ئاڤا نیوز

پاڵنەرە نێودەوڵەتییەکان بۆ کۆتاییهێنان بە شەڕی نێوان ڕووسیا و ئۆکراینا بەردەوامە، لە چوارچێوەی ئەمەشدا بڕیارە ڤۆلۆدێمیر زێلێنسکی، سەرۆکی ئۆکراینا لەگەڵ سەرکردەکانی ئەوروپا کۆببێتەوە

چیڕۆکی سەرەکی: ڤۆلۆدیمێر زێلینسکی، سەرۆکی ئۆکراینا و بەشێک لە سەرکردەکانی ئەوروپا  لە مانگی ئاب لەگەڵ دۆناڵد ترەمپ سەرۆکی ئەمریکا کۆبوونەوە پرسی ڕاگرتنی شەڕی نێوان ڕووسیا و ئۆکراینایان تاوتوێی کرد بەڵام هیچ دەرئەنجامێکی نەبوو تاوەکو ئێستا هێرشەکانی هەردوولا بۆ سەر یەکتری بەردەوامن.

زانیاریی بەدەستهاتوو: سەرچاوەیەک بە ئاژانسی فرانس پرێسی ڕاگەیاندووە، ڤۆلۆدیمیر زێلێنسکی سەرۆکی ئۆکراینا ڕۆژی پێنجشەممە لە پاریس چاوی بە سەرکردەکانی ئەوروپا دەکەوێت و کۆبوونەوەیەکی گرنگ ئەنجام دەدەن.

زانیاریی زیاتر: پێشبینی دەکرێت، تەوەری سەرەکی دانوستانەکانی پاریس گەرەنتی ئاسایشی ئۆکراینا و بەرەوپێشبردنی دیپلۆماسییەت بێت، چونکە سەرچاوەکە دەڵێت، ڕووسەکان جارێکی دیکە خەریکی  هەوڵەکانی کۆتاییهێنان بە شەڕەکە تێکدەدەن .