ترەمپ: ئەوەی من بۆ ئیسرائیلم کردووە کەسی دیکە نەیکردووە

ئاڤا نیوز

سەرۆکی ئەمریکا جارێکی دیکە باس لە کردەوەکانی بەرامبەر بە ئیسرائیل دەکات ئاماژەش بە هەوڵەکانی خۆی دەکات و دەڵێت؛ هیچ کەسێک وەک ئەوەی من بۆ ئیسرائیلم کرد, کەسی دیکە نەیکردووە. 

زانیاریی بەدەستهاتوو: دۆناڵد ترەمپ، سەرۆکی ئەمریکا لە چاوپێکەوتنێکی نوێدا ئاشکرای کردووە؛ شەڕی غەززە زیان بە ئیسرائیل دەگەیەنێت و ناچاری دەکات کۆتایی پێبهێنێت، بەردەوامی ئۆپەراسیۆنەکان و توانای پێشوویی ئیسرائیل کەم دەکاتەوە دەشڵێت: ئەوان ناچارن کۆتایی بەم شەڕە بهێنن، هاوکات جەختی لەوە کردەوە هیچ کەس وەک من کاری بۆ ئیسرائیل نەکردووە، ئاماژە بە هێرشی ئەم دواییەی ئەمریکا بۆ سەر ئێران کرد کە بنکە ئەتۆمییەکانی کردە ئامانج لە کاتی شەڕی 12 ڕۆژەی نێوان ئێران و ئیسرائیل.

زانیاریی زیاتر: ترەمپ لە درێژەی قسەکانیدا ئەوەی خستەڕوو، ڕەنگە ئیسرائیل لە شەڕەکەدا سەربکەوێت، بەڵام بەهۆی ئەمە پیشتووانی وڵاتان لەدەست دەدات  و ئەمەش ئازاری دەدات، ئەمە لەکاتێکدایە ئۆپەراسیۆنەکانی ئیسرائیل لە کەرتی غەززە بەردەوامن.