یەکێتی لیستی بەربژێرانی پێشکەشی کۆمیسیۆن نەکردووە

ئاڤا نیوز

 

یەکێتی نیشتمانیی کوردستان لە بازنەی هەولێر لیستی بەربژێرانی ئامادە کردووە، بەڵام تاوەکو ئێستا پێشکەشی کۆمیسیۆنی نەکردووە و چاوەڕێی وادەی کۆتایی دەکات. 

 

وێنە گەورەکە: یەکێتی هەموو ڕێکارەکانی لیستی بەربژیرانی تەواو کردووە، بەڵام دوای ئەوەی کۆمیسیۆن 10 کاتژمێر وادەی پێشکەشکردنی لیستی بەربژێرانی درێژ کردەوە، پێشکەشکردنەکەی دواخست.

 

لێدوانی فەرمی: فەرهاد ئەسعەد شێتنە، بەرپرسی هۆبەی کاروباری حیزبەکان و پاڵێوراوان لە نووسینگەی هەڵبژاردنەکانی هەولێر بە ئاڤا نیوزی گوت: "تاوەکو ئێستا یەکێتی لیستی ناوی بەربژێرانی لە بازنەی هەولێر پێشکەش نەکردووە، بەر لە تەواوبوونی وادەکە لیستەکە دەهێنن".

 

لەلایەکی دیکەوە: هەژار محەممەد، بەرپرسی بەشی هەڵبژاردن لە مەڵبەندی سێی یەکێتی بە ئاڤا نیوزی ڕاگەیاند: "بۆ ئەوەی ناوی بەربژێرەکان ئاشکرا نەبن، تاوەکو کەمێک پێش تەواوبوونی وادەکە، لیستەکە پێشکەش ناکەین".

 

زانیاریی تایبەت: ئاڤا نیوز زانیویەتی لە بازنەی هەولێر شاڵاو کۆسرەت ڕەسووڵ، سەرۆکی لیستی یەکێتی دەبێت و زیاتر لە 20 بەربژێریش لەو بازنەیە بەربژێرکراون.