ئەمریکا و ئەوروپا بۆ سەپاندنی سزای نوێ بەسەر مۆسكۆ كۆ دەبنەوە

ئاڤا نیوز

لە چوارچێوەی هەوڵە نێودەوڵەتییەکان بۆ ڕاگرتنی شەڕی نێوان ڕووسیا و ئۆکراینا، بڕیارە بەرپرسانی ئەمریکا و ئەوروپا پرسی سزاکان لە نێویاندا 'سزای نوێ' بەسەر مۆسکۆدا تاتوێی بکەن کە ئامانج لێی گوشار خستنە سەر ڕووسیایە بۆ ڕاگرتنی شەڕەکە.

زانیاریی بەدەستهاتوو: ئاژانسی ئەسۆشێتد پرێس بە پشت بەستن بە سەرچاوەکان ڕایگەیاندووە، بڕیارە لە 8 ئەیلوولدا بەرپرسانی یەکێتیی ئەوروپا لە واشتن لەگەڵ بەرپرسانی ئەمریکا گفتۆگۆ لەسەر پرسی سەپاندنی سزای نوێی بەسەر ڕووسیادا بکەن''.

ئەوەی لەبارەیەوە دەگوترێت: سەرچاوەکان دەڵێن، کۆبوونەوەکە لە وەزارەتی گەنجینەی ئەمریکا بەڕێوەدەچێت،تاوتوێی گوشاری نوێی بۆ سەر ڕووسیا دەکەن.

زانیاریی زیاتر: پێشتر ئەنتۆنیۆ کۆستا سەرۆکی ئەنجوومەنی ئەوروپا،  پلانەکەی ئاشکرا کردبوو کە تیمێکی یەکێتی ئەورووپا سەردانی ئەمریکا دەکەن و ئامانج لێی تاتوێێکردنی پرسی سزای ڕووسیایە.

کاریگەری و لێکەوتەکان: سەرۆکی ئەمریکا بێ هیوابوونی خۆی لە سەرۆکی ڕووسیا دەربڕیووە کە بەردەوامە لە هێرشەکانی بۆ سەر ئۆکراینا، هەڕەشەی سەپاندنی سزای نوێ بەسەر مۆسکۆدا کردووە.