زانیاریی 73 ملیۆن بەکاربەری کۆمپانیای (AT&T) دزە دەکات

ئاڤا نیوز

 

کۆمپانیای پەیوەندیی ئەی تی ئەند تی (AT&T) ڕایگەیاند، زانیاریی کەسیی زیاتر لە 73 ملیۆن بەکاربەری ئێستا و پێشووی دزەی پێکراوە و بڵاوکراوەتەوە. 

 

زانیاریی بەدەستهاتوو: زانیارییەکان 65.4 ملیۆن بەکاربەری پێشوو و 7.6 ملیۆن بەکاربەری ئێستای کۆمپانیاکەن و پەیوەستن بە زانیاری وەک ناوی تەواو، ڕێککەوتی لەدایکبوون، ژمارەی مۆبایل، ئادرێسی ئیمەیل، ژمارەی دەستەبەری کۆمەڵایەتی، ژمارەی بانکی و کۆدی تێپەڕبوون. 

 

ئەوەی پێویستە بیزانیت: (ئەی تی ئەند تی) کۆمپانیایەکی بواری پەیوەندییەکانە، پێشتر بە ناوی (کۆمپانیای تەلەفۆن و تەلەگرافی ئەمریکی) کاری دەکرد. بارەگای سەرەکیی کۆمپانیاکە لە تەکساسی ویلایەتی ئەمریکایە. لەسەر ئاستی ئەمریکا، گەورەترین کۆمپانیای تەلەفۆنی جێگیر و دابینکەری ئینتەرنێتی بەوایەرە.

 

زانیاریی زیاتر: بەرپرسانی کۆمپانیاکە سەرقاڵی لێکۆڵینەوەن لە سەرچاوە و هۆکاری دزەپێکردنەکە و تاوەکو ئێستا بە هیچ ئەنجامێكی بەرچاو نەگەیشتوون. 

 

باکگراوند: پێشتریش لە مانگی ئاداری 2023 کۆمپانیای AT&T ڕایگەیاند، زانیاریی 9 ملیۆن لە بەکاربەرانی لەلایەن کۆمپانیایەکی دیکەوە دزەی پێکراوە.