سەرۆك بارزانی: ئیمارات لە پرسی هاتنی ئاوارەکان هەمیشە پاڵپشتیی هەرێمی کوردستان بووە

ئاڤا نیوز

سەرۆک بارزانی لەگەڵ شاندێکی وڵاتی ئیمارات کۆبووەوە و سوپاسی ڕۆڵی ئیماراتی کرد کە لە ڕابردوودا هاوکار و پاڵشتیی هەرێمی کوردستان بووە، بە تایبەتی لە پرسی هاتنی ئاوارەکان بۆ هەرێمی کوردستان. تاوتوێکردنی بارودۆخی ناوچەكە بە گشتی تەوەرێکی دیکەی دیدارەکە بوو.

چیرۆکی سەرەکی: ڕۆژی پێنجشەممە 2025-09-11 لە سەڵاحەددین، سەرۆك مەسعود بارزانی پێشوازی لە شاندێكی وڵاتی ئیمارات بە سەرۆكایەتیی سەعید موبارەك ئەلهاجەری، وەزیری دەوڵەت و نێردەی تایبەتی ئیمارات بۆ كاروباری ئابووری بۆ هەرێمی كوردستان كرد.

ڕاگەیێنراوی فەرمی: بارەگای بارزانی ڕایگەیاند، سەرۆک بارزانی لە دیدارەکەیدا سوپاسی حكومەت و خەڵك و سەركردایەتیی ئیماراتی كرد كە هەمیشە لەڕێی ڕێكخراوە مرۆییەكان هاوكار و پاڵپشتی هەرێمی کوردستان بوونە، بەتایبەت لە پرسی هاتنی ئاوارەکان بۆ هەرێمی كوردستان. هاوکات، سەرۆك بارزانی پێشوازی لە پتەوتركردنی دۆستایەتی و پەیوەندییەكانی هەردوولا كردەوە.

زانیاریی زیاتر: شاندی میوان وێڕای خۆشحاڵییان بە سەردانەکەیان بۆ هەرێمی کوردستان و دیدار لەگەڵ سەرۆك بارزانی، جەختیان لە دۆستایەتی و هەڵوێستی سەركردایەتیی ئیمارات لە بەرەوپێشبردنی پەیوەندییەكان لەگەڵ هەرێمی كوردستان كردەوە و سڵاوی حاكمی ئیمارات و سەركردایەتیی وڵاتەكەیان بە سەرۆك بارزانی گەیاند.

شاندەکە سوپاس و پێزانینیان هەبوو بۆ دیدار و كۆبوونەوەكانیان لە هەرێمی کوردستان و ئەو دەرفەتانەی كە خراونەتە بەردەمیان بۆ پەرەپێدانی پەیوەندیی ئابووری و بوارەكانی تر لە ئێستا و لە داهاتوو.

ئەمەش بزانە: تاوتوێکردنی بارودۆخی ناوچەكە بە گشتی، تەوەری دیکەی دیدارەکەی نێوان سەرۆک بارزانی و شاندی وڵاتی ئیمارات بوو.