لە قوتابخانەکانی عێراق نۆ ڕۆژ پشوو ڕادەگەیێنرێت

ئاڤا نیوز

بەمەبەستی بەڕێوەبردنی هەڵبژاردنی پەرلەمانی عێراق و بەکارهێنانیان وەک بنکەی دەنگدان، لە 5 تا 13ی مانگی تشرینی دووەمی ئەمساڵ  لە قوتابخانەکانی عێراق پشوو دەبێت.

وێنە گەورەکە: بۆ هەڵبژاردنی پەرلەمانی عێراق کە بڕیارە 11ـی مانگی 11ـی ئەمساڵ بکرێت، زیاتر لە حەوت هەزار کاندید کێبڕکێ لەسەر 329 کورسییەکەی پەرلەمان دەکەن، چاوەڕێش دەکرێت سەرەتای مانگی داهاتوو بانگەشەی هەڵبژاردن دەستپێبکات.

لێدوانی فەرمی: جومانە غەڵای، وتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاند، لە 5 تا 13ی مانگی تشرینی دووەم وەزارەتی پەروەردەی عێراق قوتابخانەکان ڕادەستی کۆمیسیۆن دەکات، ئەویش بە ئامانجی بەڕێوەبردنی هەڵبژاردن و بەکارهێنانیانی قوتابخانەکان وەک بنکەی دەنگدان.

لەلایەکی دیکەوە: دوێنێش کۆمیسیۆن ڕایگەیاند، لە ئاستی هەموو پارێزگاکان لیژنە بۆ چاودێری پێشێلکارییەکانی بانگەشەی هەڵبژاردن پێکهێنراون، دیارترین پێشێلکاریش بانگەشەی پێشوەختی کاندیدەکانە پێش وادەی فەرمی کە کۆمیسیۆن دیاریدەکات، ئەوەش وادەکات کاندیدەکان بە پێبژاردنی دارایی و ڕێکاری یاسایی دیکە سزابدرێن.