وەزارەتی پەروەردە ساڵنامەی خوێندن و وادەی تاقیکردنەوەکانی ڕاگەیاند

ئاڤا نیوز

وەزارەتی پەروەردەی هەرێمی کوردستان، ساڵنامەی خوێندن و وادەی تاقیکردنەوەکانی بۆ ئەمساڵی خوێندن 2025-2026 ڕاگەیاند.

وێنە گەورەکە: ساڵانە پێش دەستپێکردنی دەوام و ساڵی نوێی خوێندن، وەزارەتی پەروەردە ساڵنامەی خوێندن دادەڕێژێت، ئەو ساڵنامەیە پلان و نەخشەڕێگا و بنەمای دەوامی ناوەندەکانی خوێندن و تاقیکردنەوەکانە، ساڵێکی تەواوی خوێندن بەپێی ئەو ساڵنامەیە دەبێت.

ڕاگەیێنراوی فەرمی: وەزارەتی پەروەردەی هەرێمی کوردستان ئامادەکردنی ساڵنامەی خوێندنی ڕاگەیاند و گشتاندنی بۆ سەرجەم بەڕێوەبەرایەتییە گشتییەکانی پەروەردەی شارەکان کردووە.

زانیاریی زیاتر: بەپێی ساڵنامەی خوێندن کاتەکانی دەوامی هەردوو وەرز و تاقیکردنەوەکان بەمجۆرەیە:

٠ 21-09-2025 دەستپێکی ساڵی نوێی خوێندنە

وەرزی یەکەم 
16 تا 23ـی 11ـی 2025 تاقیکردنەوەی نیوەی وەرز
15 تا 24ـی 12ـی 2025 تاقیکردنەوەی کۆتایی وەرز
21 تا 23ـی 12ـی 2025 هەڵسەنگاندنی چوارەمی وەرزی یەکەمی بازنەی یەکەم
کۆی ڕۆژانی خوێندن لە وەرزی یەکەم 67 ڕۆژ

پشووی وەرزی یەکەم 25-12-2025 تا 03-01-2026

وەرزی دووەم
16 تا 26ـی 2ـی 2026 تاقیکردنەوەی نیوەی وەرز
12 تا 23ـی 4ـی 2026 تاقیکردنەوەی کۆتایی وەرز بۆ پۆلی نۆ و 12
03-05-2026 هەڵسەنگاندنی چوارەمی وەرزی دووەمی بازنەی یەکەم
03-05-2026 تاقیکردنەوەی کرداری پیشەییەکان
9 تا 18ـی 5ـی 2026 تاقیکردنەوەی کۆتایی وەرزی دووەمی پۆلە ناکۆتاکان 
9 تا 21ـی 5ـی 2026 تاقیکردنەوەی خولی یەکەمی نیشتمانی پۆلی نۆ 
4 تا 29ـی 6ـی 2026 تاقیکردنەوەی خولی یەکەمی پۆلی 12ی ئامادەیی
14 تا 30ـی 6ـی 2026 تاقیکردنەوەی خولی دووەمی نیشتمانی پۆلی نۆ
14 تا 30ـی 6ـی 2026 تاقیکردنەوەی خولی دووەمی پۆلە ناکۆتاکان
4 تا 20ـی 8ـی 2026 تاقیکردنەوەی خولی دووەمی پۆلی 12ی ئامادەیی
کۆی ڕۆژانی خوێندن لە وەرزی دووەم 96 ڕۆژ