هەفتەی داهاتوو شایستەیی دارایی گەنمی جووتیارانی کوردستان خەرج دەکرێت

ئاڤا نیوز

یەکەم شایستەی دارایی گەنمی جووتیارانی هەرێمی کوردستان خەرج دەکرێت، لەو بڕەی تەرخانکراوە زۆرترینی بەر جووتیارانی سنووری سلێمانی و هەڵەبجە دەکەوێت.

وێنە گەورەکە: پشکی هەرێمی کوردستان لە پارەی گەنم 310 بۆ 315 ملیار دینارە، لەم هەفتەیە وەزارەتی بازرگانی عێراق، گووژمەی یەکەم خەرج دەکات کە 59 ملیار دینارە، ئەو جووتیارانەی قۆناغی یەکەم گەنمیان ڕادەستکردووە شایستەداراییەکانیان  وەردەگرن.

لێدوانی فەرمی: نەسرین ئەحمەد، بەڕێوەبەری سایلۆکانی سلێمانی؛ بە ئاڤای گوت، "پشکی جووتیارانی سلێمانی و هەڵەبجە 25 ملیار دینارە، بەگوێرەی کاتی ڕادەستکردنی گەنمەکە، ئەو جووتیارانەی زووتر گەنمیان لێوەرگیراوە شایستەکانیان خەرج دەکرێت."

ئەمەش بزانە: پشکی جووتیارانی سنووری هەولێر لە 59 ملیارە، 20 ملیار دینارە و پشکی جووتیارانی دهۆکیش 12 ملیار دینار دەبێت.