ئەمریکا "بەلەمێکی بازرگانانی ماددەی هۆشبەر" دەکاتە ئامانج

ئاڤا نیوز


ئەمریکا بەلەمێکی دیکەی ڤەنزوێلی کردە ئامانج کە بە وتەی خۆی لە ئاوە نێودەوڵەتییەکاندا ماددەی هۆشبەری بە قاچاخ بۆ ئەمریکا دەگواستەوە.

لێدوانی فەرمی: دۆناڵد ترەمپ، سەرۆکی ئەمریکا، ڕایگەیاند بەلەمەکە لە ڕێگای ئەمریکادا بووە و هێرشەکە بەشێکە لە ئۆپەراسیۆنێکی ئەمریکا دژی "مافیا تووندوتیژەکانی ماددە هۆشبەرەکان". 

زانیاریی زیاتر: بەهۆی هێرشەکەوە لانیکەم سێ کەس کوژراون. 

لەلایەکی دیکەوە: نیکۆلاس مادۆرۆ، سەرۆکی ڤەنزوێلا، هۆشداریی دابوو کە وڵاتەکەی بەرگری لە خۆی دەکات لە بەرامبەر "دەستدرێژی" ئەمریکا.

ئەمەش بزانە: لە دوای ناردنی کەشتی جەنگی بۆ باشووری دەریای کاریبی، گرژییەکانی نێوان ئەمریکا و ڤەنزویلا زیاتربوون. بەرپرسانی ئەمریکا دەڵێن: ئامانجیان بەرەنگاربوونەوەی بازرگانیکردن بە ماددە هۆشبەرەکانە. 

باکگراوند: پێشتریش ئەمریکا هێرشی کردە سەر کەشتییەکی دیکەی ڤەنزوێلا و 11 کەسی کوشت.