ئەمریکا لە بەرامبەر پڕکردنەوەی فۆڕمی ڤیزای لۆتەری پارە وەردەگرێت

ئاڤا نیوز

لە بڕیارێکی نوێدا ئەمریکا لە بەرامبەر خۆتۆمارکردن پارە لەو کەسانە وەردەگرێت کە دەیانەوێت فۆرمی لۆتەری (یانەسیبی) ڤیزا پڕبکەنەوە.

چیرۆکی سەرەکی:  بەپێی بڕیارە نوێیەکە، لە 16ـی مانگی 10ـی 2025 ـەوە ئەگەر کەسێک بیەوێت فۆڕمی ڤیزای لۆتەری (یانەسیبی) ئەمریکا پڕ بکاتەوە، دەبێت بە ئۆنلاین بڕی یەک دۆلار بدات بە حکومەتی ئەمریکا.

زانیاریی زیاتر: ساڵانە لە چوارچێوەی پڕۆگرامی لۆتەری، ئەمریکا 55 هەزار ڤیزای کۆچ بەو کەسانە دەدات کە لە وڵاتانێکەوە هاتوون کە ئاستی کۆچکردنیان بۆ ئەمریکا کەم بووە.

ئەمەش بزانە: ساڵانە دەیان ملیۆن کەس ناوی خۆیان بۆ پڕۆگرامی ڤیزای لۆتەری (یانەسیبی) ئەمریکا تۆمار دەکەن، ئەمەش خەرجییەکی زۆر لەسەر حکومەتی ئەمریکا دروست دەکات.

ئەوەی پێویستە بیزانیت: وەزارەتی دەرەوەی ئەمریکا پێشبینی دەکات بۆ ئەمساڵ نزیکەی 25 ملیۆن کەس ناوی خۆیان تۆمار بکەن و لەو ڕێگایەوە ساڵانە نزیکەی 25  ملیۆن دۆلار داهات بۆ ئەمریکا کۆدەکرێتەوە.