لە 22 ناوچەی بەغدای پایتەخت هەڵمەتێکی ئەمنی بەڕێوەدەچێت

ئاڤا نیوز

فەرماندەیی ئۆپەراسیۆنەکانی بەغدا، هەڵمەتێکی ئەمنیی پێشوەختە لە 22 ناوچەی بەغدای پایتەخت بەڕێوەدەبات، بە ئامانجی ڕاوەدوونانی یاساشکێنەران.

ڕاگەیێنراوی فەرمی: بەگوێرەی ڕاگەیەندراوێکی فەرماندەیی ئۆپەراسیۆنەکانی بەغدا، کە وێنەیەکی دەست ئاڤا میدیا کەوتووە، "فەرماندەیی ئۆپەراسیۆنەکانی بەغدا بەردەوامە لە ڕێککارە ئەمنییەکانی و دەستی کردووە بە گەمارۆدان و پشکنینی ناوچەکانی (مەلاحیمە، زیب زاری، ئوم نەجم، ئەلبو عەساف، عەبایجی، قامیشلی، فەحامە، ئەلبو سەیفی، شوعلە، دەوانم، غەزالییە، سوەیب، توراس، دیوان، ئەلبوعەیسە، نەهرەوان، مەعامیل، کەمالییە، جەعارە، سریدات، شوقەکانی حەبیبییە و موهەندیسین) لە هەردوو دیوی کەڕخ و ڕەسافە و دەوروبەری پایتەخت."

لەهەمان کاتدا: بەگوێرەی ئۆپەراسیۆنەکانی بەغدا "ئەم ئۆپەراسیۆنە ئەمنییە ئامانجی ڕاوەدوونانی یاساشکێنەران، جێبەجێکردنی بڕیارەکانی گرتن و هەڵکوتانە سەر حەشارگەکانی چەکی بێ مۆڵەتە، لە ڕێگەی پێکهاتە ئەمنییەکان و بە پاڵپشتی ئاژانس و دەزگا هەواڵگرییە پەیوەندیدارەکان."