لە واسیت ژمارەیەک بیانی دەستگیر دەکرێن

ئاڤا نیوز

هێزەکانی پاسەوانی سنووری عێراق، ژمارەیەک هاووڵاتیی بیانی کە خەڵکی وڵاتانی ئاسیان لە سنووری ئیداری پارێزگای واسیت دەستگیر کرد. 

چیرۆکی سەرەکی: ئەمڕۆ شەممە 20-9-2025،  پێنج هاووڵاتی بیانی کە خەڵكی وڵاتانی ئاسیان و ھەوڵیان دابوو بە شێوەیەکی نایاسایی سنوورە ئیدارییەکانی پارێزگای واسیت ببەزێنن و بەرەو بەغدا بڕۆن، بەڵام دوای چاودێری و کۆکردنەوەی زانیاریی لەلایەن دەزگاکانی هەواڵگری و هێزەکانی پاسەوانی سنوور دەستگیر دەکرێن.

ڕاگەیێنراوی فەرمی: فەرماندەیی هێزەكانی سنوور ڕایگەیاند: لیوای 20ـی سنووری ناوچەی سێ، پێنج هاووڵاتی بیانییان لە ڕەگەزی نێر لەسنووری کارگێری پاریزگای واسیت دەستگیر كرد، کە هەوڵی بەزاندنی سنووریان دابوو بە شێوەیەکی نایاسایی.

زانیاریی بەدەستهاتوو: بە پێی زانیارییەکانی ئاڤا، ئەو کەسانە بۆ كاركردن لەڕێی ئێرانەوە بە شێوەی نایاسایی سنوورەکانی پارێزگای واسیت دەبەزێنن و بەرەو بەغدا وپارێزگای بەسڕه دەچن.