سەرۆکی ڤەنزوێلا داوا لە ترەمپ دەکات گفتوگۆ بکەن

ئاڤا نیوز

بۆ کەمکردنەوەی گرژییەکانی نێوانیان، سەرۆکی ڤەنزوێلا لەبارەی گرووپەکانی بە قاچاخبردنی ماددە هۆشبەرەکان داوای دانوستان لە ترەمپ دەکات.

چیرۆکی سەرەکی: بەپێی نامەیەک کە ڕۆژی یەکشەممە لەلایەن حکومەتی ڤەنزوێلا بڵاوکرایەوە، نیکۆلاس مادورۆ، سەرۆکی ڤەنزوێلا، تۆمەتەکانی ئەمریکای ڕەتکردەوە کە گوایە بازرگانێکی ماددە هۆشبەرە و داوای گفتوگۆی لە دۆناڵد ترەمپ سەرۆکی ئەمریکا کردووە.

زانیاریی بەدەستهاتوو: مادورۆ لە نامەکەدا بۆ ترەمپی نووسیووە، ئەوەی دژی وڵاتەکەی دەستیان پێکردووە زیانێکی کارەساتبار بە هەموو کیشوەرەکە دەگەیەنێت و داوا دەکەم ئاشتی بە گفتوگۆ و لێکتێگەیشتن لە تەواوی نیوەگۆی زەویدا بپارێزن.

زانیاریی زیاتر: ئەو نامەیە کە بۆ ترەمپ نێردراوە، بەرواری 6ـی مانگی نۆی لەسەرە و چەند ڕۆژێک دوای ئەوە نێردراوە کە ئەمریکا هەشت کەشتی جەنگی لە کەناراوەکانی ڤەنزوێلا بڵاوەپێکرد و یەکەمین هێرشی بۆ سەر گرووپەکانی بە قاچاخبردنی ماددە هۆشبەرەکان ئەنجامدا و لەو هێرشەشدا 11 کەس کوژران.

باکگراوند: ڕۆژی شەممە، 2025-09-20، دۆناڵد ترەمپ، سەرۆکی ئەمریکا لە تۆڕی کۆمەڵایەتی تروس سۆشیاڵ هەڕەشەی لە ڤەنزوێلا کرد ئەگەر هاوڵاتییە زیندانی و نەخۆشە دەروونییەکانی لە ئەمریکا وەرنەگرێتەوە باجێکی قورس دەدەن کە پێشبینی نەکراوە.