ترەمپ و زێلێنسکی کۆبوونەوە

ئاڤا نیوز

 

لە پەراوێزی کۆبوونەوەکانی ئەنجوومەنی گشتیی نەتەوەیەکگرتووەکان لە نیویۆرک، دۆناڵد ترەمپ، سەرۆکی ئەمریکا و ڤۆلۆدیمیر زێلێنسکی، سەرۆکی ئۆکراینا، کۆبوونەوە.

 

وێنە گەورەکە: پرسی سەرەکیی گفتوگۆکانی ترەمپ و زێلێنسکی بەردەوامیی شەڕی نێوان ڕووسیا و ئۆکراینا و هەوڵدان بۆ دۆزینەوەی چارەسەر و گەیشتن بە ئاگربەست بوو.

 

زانیاریی زیاتر: ترەمپ ڕایگەیاند، ئۆکراینا توانیویەتی زۆر بەباشی ڕووبەڕووی سوپای ڕووسیا ببێتەوە و بیوەستێنێت. گوتیشی، بە هۆی شەڕەوە ئابووریی ڕووسیا زیانی زۆری پێگەیشتووە و داڕماوە.

 

ئەمەش بزانە: لە شوباتی 2022ـەوە شەڕی نێوان ڕووسیا و ئۆکراینا هەڵگیرساوە و تا ئیستاش هەوڵەکانی ترەمپ و کۆمەڵگای نێودەوڵەتی بۆ ئاگربەست بێ ئەنجام بوون.