چین داوای چارەسەرێكی 'کراوە و دادپەروەرانە' بۆ کێشەی تیکتۆک دەکات

ئاڤا نیوز

چین ڕایگەیاند هیوادارە ئەمریکا مامەڵەیەکی "کراوە و دادپەروەرانە" بۆ تیکتۆک و کۆمپانیا چینییەکانی دیکە بکات کە وەبەرهێنان لەو وڵاتەدا دەکەن.

لێدوانی فەرمی: گۆ جیاکۆن، وتەبێژی وەزارەتی دەرەوەی چین، لە لێدوانێکی ڕۆژنامەوانیدا ڕایگەیاند: حکومەتی چین ڕێز لە ئیرادەی کۆمپانیاکان دەگرێت و پێشوازییان لێدەکات بۆ ئەنجامدانی دانوستانی بازرگانی تا لەسەر بنەمای ڕێساکانی بازاڕ بگەنە چارەسەرێک کە بەرژەوەندییەکانی لەگەڵ یاسا و ڕێساکانی چین بگونجێت. هیوادارین ئەمریکا ژینگەیەکی بازرگانی کراوە و دادپەروەرانە و بێ جیاوازی بۆ کۆمپانیا چینییەکان دابین بکات کە وەبەرهێنان لە ئەمریکا دەکەن.

زانیاریی زیاتر: دۆناڵد ترەمپ، سەرۆکی ئەمریکا، فەرمانی جێبەجێکاری دەرکردووە لەسەر گرێبەستێکی پێشنیارکراوی بۆ ڤێرژنی ئەمریکیی تیکتۆک کە خاوەندارێتییەکەی لە ئەمریکا بێت. 

ئەمەش بزانە: ئەمریکا لە کارکردنی تیکتۆک لە ئەمریکا نیگەران و دەڵێت: زانیاری بەکاربەرانی، کە زیاتر لە 170 ملیۆن کەس دەبن، دەداتە حکومەتی چین. چین ئەمە ڕەتدەکاتەوە.