ئاڤا ناوی کاندیدە پەسەندکراوەکان بۆ هەڵبژاردنی پەرلەمانی عێراق بڵاو دەکاتەوە

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ناوی کاندیدە پەسەندکراوەکان بۆ هەڵبژاردنی پەرلەمانی عێراق بڵاودەکاتەوە.

وێنە گەورەکە: بۆ هەڵبژاردنی پەرلەمانی عێراق کە بڕیارە لە 11ـی 11ـی ئەمساڵ بەڕێوەبچێت، 21 ملیۆن و 404 هەزار و 291 کەس مافی دەنگدانیان هەیە، حەوت هەزار و 768 کاندیدیش کێبڕکێ لەسەر 329 کورسییەکەی پەرلەمان دەکەن.

بڵاوکراوەی فەرمی: کۆمیسیۆنی باڵای سەربەخۆی هەڵبژاردنەکانی عێراق ناوی حەوت هەزار و 768 کاندیدی پەسەندکراو بۆ هەڵبژاردنی ئەنجوومەنی نوێنەرانی 2025 بڵاو کردەوە.

ئەوەی پێویستە بیزانیت: دوێنێ چوارشەممە 2025-10-1، ئەنجوومەنی کۆمیسیاران لیستی ئەو کاندیدانەی پەسەند کرد کە مافی بەشداریکردنیان لە هەڵبژاردنی پەرلەمانی عێراق هەیە. هاوکات وادەی دەستپێکردنی بانگەشەی هەڵبژاردن بۆ کاندیدە پەسەندکراوەکان ڕاگەیاند، کە ڕۆژی هەینی 3ـی تشرینی یەکەمی ئەمساڵ دەبێت.

ئەمەش بزانە: بانگەشەی هەڵبژاردن بۆ ماوەی 37 ڕۆژ بەردەوام دەبێت، بەو پێیەی 48 کاتژمێریش پێش بەڕێوەچوونی دەنگدانی گشتی، پرۆسەی دەنگدانی تایبەت بەڕێوەدەچێت، واتە ڕۆژی 9ـی 11، کەواتە بانگەشەی هەڵبژاردن لە 8ـی 11 دەوەستێت.

بۆ بینینی ناوەکان کلیک لێرە بکە