دەستەی دەستپاکی عێراق بۆ دامەزراوەکانی دەوڵەت: فشارتان خرایەسەر ئاگادارمان بکەنەوە

ئاڤا نیوز

دەستەی دەستپاکی عێراق، هۆشداری فشارخستنە سەر دەنگدەران دەدات و داوا دەکات دامەزراوەکانی دەوڵەت و فەرمانگەکانی حکومەت و فەرمانبەران لەبانگەشەی هەڵبژاردن دوور ڕابگیرێت.

 
وێنە گەورەکە: بەرەبەیانی ڕۆژی هەینی، 2025-10-03 بە بەشداریی حەوت هەزار و 768 کاندید لە چوارچێوەی 145 هاوپەیمانی، حیزب و لیستی تاکە کەسی بانگەشەی هەڵبژاردن بۆ هەڵبژاردنی پەرلەمانی عێراق دەستپێدەکات، ماوەی بانگەشەش 37 ڕۆژ بەردەوام دەبێت و 2025-11-11 هەڵبژاردنی پەرلەمان بەڕێوەدەچێت.

ڕاگەیێنراوی فەرمی: دەستەکە لە بەیاننامەیەکدا ڕایگەیاند: قۆستنەوەی سەرچاوە و موڵک و ماڵی دەوڵەت لە بانگەشەی هەڵبژاردندا لەلایەن کاندیدانەوە بەهەموو شێوەیەک قەدەغەیە و بەرپرسیارییەتی یاسایی لێدەکەوێتەوە.

زانیاریی زیاتر: لە بەیاننامەکدا دەستەکە داوای لەهاووڵاتییان و فەرمانبەران کرد،  بنکەکانی دەستەی دەستپاکی لە هەر حاڵەتەکانی فشارخستنە سەر دامەزراوەکانی دەوڵەت و فەرمانگەکانی حکومەت و فەرمانبەران لەلایەن کاندیدانەوە ئاگاداربکەنەوە.