مالیکی: نابێت سامانی گشتی بۆ بانگەشەی هەڵبژاردن بەکاربهێنرێت

ئاڤا نیوز

لەگەڵ دەستپێکردنی هەڵمەتی هەڵبژاردنی پەرلەمانی عێراق، سەرۆکی هاوپەیمانی دەوڵەتی یاسا، هۆشداریی لە بەکارهێنانی سامانی گشتیی و کڕینی دەنگ و کارتی دەنگدەران دەدات.

چیرۆکی سەرەکی:  بڕیارە 11-11-2025 هەڵبژاردنی خولی نوێی پەرلەمانی عێراق ئەنجام بدرێت، درەنگانی شەوی پێنجشەممەی ڕابردووش، بانگەشەی هەڵبژاردن لەسەرتاسەری عێراق بەهەرێمی کوردستانەوە دەستیپێکرد و تاوەکو هەشتی تشرینی دووەمی داهاتوو، ڕۆژێک پێش دەنگدانی تایبەت و دوو ڕۆژ پێش دەنگدانی گشتیی بەردەوام دەبێت.

لێدوانی فەرمی: نووری مالیکی، سەرۆکی هاوپەیمانی دەوڵەتی یاسا، ڕایگەیاند: پێویستە کێبڕکێی نێوان کاندیدەکان دوور بێت لە لەکەدارکردن یان دڕاندنی پۆستەری یەکتر.

 

زانیاریی زیاتر: مالیکی هۆشداری لە بەکارهێنانی سامانی گشتی، تواناکانی دەوڵەت، کڕینی دەنگ و کارتی دەنگدانی دا و داوای لە هاووڵاتیان کرد بەشدارییەکی بەرفراوان لە دەنگداندا بکەن.