ئاڤای خەڵک؛ دانیشتووانی گەڕەکێکی سلێمانی داوای قیر و کۆنکرێت دەکەن

ئاڤا نیوز

 

بەشێکی دانیشتووانی گەڕەكی كوردستان لە سلێمانی کە بە بەشی 37ـەکان ناسراوە، بەهۆی قیرتاونەکردنی شەقامێکەوە تووشی گرفت بوونەتەوە. گوتەبێژی شارەوانیی سلێمانی دڵنیایی دەداتە دانیشتوانی ئەو گەڕەکە و دەڵێت، "کێشەکەیان بۆ چارەسەر دەکەین".

 

چیرۆکی سەرەکی: دانیشتوویەکی گەڕەکەکە بە ناوی محەممەد ئەحمەد دەڵێت، "تا ئێستا تەنیا خۆم 50 نووسراوم داوە بە شارەوانی یان بۆمان قیر بکەن یان کۆنکرێت بکەن". دانیشتوویەکی دیکەی گەڕەکەکە دەڵێت، "تەنیا خۆم 60 گەڵابە گڵم هێناوە بە پارەی خۆم ویستوومە چاکی بکەم، بەڵام وەکو خۆی لێیەتەوە".

لێدوانی فەرمی: ژیوار عەبدولرەحمان، پەیامنێری ئاڤا قسەی لەگەڵ زەردەشت ڕەفیق، گوتەبێژی شارەوانیی سلێمانی کردووە، دەڵێت: ئاگاداری کێشەکەین تاوەکو ئێستا چەند بەڵێندەرێک هاتوون و کارەکەیان وەرگرتووە، بەڵام پێش تەواوکردنی جێیان هێشتووە.

گوتەبێژی شارەوانیی سلێمانی دەشڵێت، ئێمە پەیمانیان پێ دەدەین کێشەکەیان بۆ چارەسەر دەکەین، چاوەڕێی بودجەین هەر کەمترین بودجەمان بۆ بێت بۆ ئەوانی تەرخان دەکەین.