دابەشکردنی نەوتی سپی لە ناوچە شاخاوییەکان دەستپێدەکات

ئاڤا نیوز

وەزارەتی سامانە سرووشتییەکان چاوەڕێی گەیشتنی بڕێکی دیکەی نەوتە بە خەزانەکانی بۆ ئەوەی خشتەی دابەشکردنی نەوتی سپی بە نرخی پاڵپشتیکراو دەستپێبکات و سەرەتا لە ناوچە شاخاوییەکان دەبێت.

وێنە گەورەکە: بۆ سێیەم ساڵ لەسەر یەک حکومەتی هەرێمی کوردستان پێش هاتنی وەرزی سەرما، نەوتی سپی بەنرخی پاڵپشتیکراو لە ناوچە شاخاوییەکان دابەش دەکات، هەر خێزانێک 200 لیتری پێدەدرێت.

زانیاریی تایبەت: سەرچاوەیەک لە وەزارەتی سامانە سرووشتییەکان بە ئاڤای گوت، "ئەگەر زۆرە ناوەڕاستی هەفتەی داهاتوو پرۆسەی دابەشکردنی نەوتی سپی لە ناوچە شاخاوییەکان ڕابگەیێنین، لەماوەی 50 ڕۆژدا سەرجەم هاووڵاتیان نەوتی سپی بە نرخی پاڵپشتیکراو وەردەگرن."

ئەمەش بزانە: دوای تەواوبوونی پرۆسەکە لە ناوچە شاخاوییەکان، دابەشکردنی نەوت لە سەنتەری پارێزگای و قەزاکان دەستپێدەکات، زیاتر لە یەک ملیۆن و 335 هەزار خێزان لە هەر چوار پارێزگاکە سوودمەند دەبن.