مەلا بەختیار داوایەک لە پارتی و یەکێتی دەکات

ئاڤا نیوز

 

مەلا بەختیار، سیاسەتوانی ناسراوی كورد دەڵێت، دۆخی سیاسیی ئێستای عێراق ئاڵۆزە و پێشبینیكردنی ئەوەی ڕوودەدات، ئاسان نییە. ڕاشیگەیاند، بۆچوونم بەمجۆرە نییە كە ئەنجامەكانی ئەم هەڵبژاردنە، گۆڕانكاری زۆر گەورە لە كایەی سیاسی و حكومڕانی عێراق دروست بكات.

 

لێدوانی فەرمی: مەلا بەختیار، كەسایەتیی سیاسیی تایبەت بە ئاڤا ڕایگەیاند، بە بۆچوونی مەلا بەختیار، ئەنجامی هەڵبژاردن بەمجۆرە نابێت كە گۆڕانكاریی زۆر گەورە لە كایەی سیاسی و حكومڕانیی عێراق دروست بكات.

 

لەلایەکی دیکە: لەبارەی پەیوەندییەكانی ئێستای نێوان هەرێمی كوردستان و بەغدا، مەلا بەختیار ڕایگەیاند، ئێستا پەیوەندییەكان بەراورد بە پێشوو، ئارامتر و باشترە.

 

زانیاریی زیاتر: لە پرسی ناوخۆی كوردستانیش، مەلا بەختیار دووپاتی دەكاتەوە كە مێژووی یەكێتی بە مێژووی خۆی دەزانێت، لەو سۆنگەیەوە ئاماژەی بەوەكرد، "پێویستە هەرچی زووە پارتی و یەكێتی لە پێكهێنانی حكومەت بگەنە ڕێككەوتن؛ چەند زیاتر لە پرسی پێكهێنانی حكومەت درەنگتر بكەون، ئەوەندە زیاتر ئاسەوارەكانی دوو ئیدارەیی زیاتر دەردەكەونەوە و لە پرسە گرنگەكانیش هاوهەڵوێست و تەبا نابن".