تاران; ئەنقەرە و ڕیاز و قاهیرە لە دانوستانەکان ئاگادار دەکاتەوە

ئاڤا نیوز

عەباس عێراقچی، وەزیری دەرەوەی ئێران، هاوتاکانی لە تورکیا، میسر و سعوودیەی لە دوایین پێشھاتەکانی گەڕی یەکەمی دانوستانە ناڕاستەوخۆکانی نێوان تاران و واشنتن لە مەسقەت ئاگادار کردەوە.

ڕاگەیێنراوی فەرمی: وەزارەتی دەرەوەی ئێران لە ڕاگەیەندراوێکدا بڵاویکردەوە، عەباس عێراقچی، وەزیری دەرەوەی ئێران، لە پەیوەندییەکی تەلەفۆنیی جیادا لەگەڵ وەزیرانی دەرەوەی تورکیا، میسر و عەرەبستانی سعوودی، دوایین گۆڕانکارییەکانی پەیوەست بە دانوستانەکانی نێوان تاران و واشنتنی لە مەسقەت بۆ ڕوونکردنەوە.

٠ بەپێی ڕاگەیەنراوەکە، وەزیری دەرەوەی ئێران لە پەیوەندییەکەدا ئاماژەی بەوە کردووە، دەستپێکی دانوستانەکان باش بووە، بەڵام لە هەمان کاتدا جەختی لەسەر پێویستیی نەهێشتنی بێ متمانەیی بەرامبەر بە نیەت و ئامانجەکانی ئەمریکا کردەوە.

لەلایەکی دیکەوە: وەزارەتی دەرەوەی ئێران دەشڵێن، لای خۆیانەوە، وەزیرانی دەرەوەی هەر سێ وڵاتەکە، وێڕای پێشوازیکردن لە دەستپێکردنی گفتوگۆکان، جەختیان لە گرنگیی بەردەوامیی ئەم دانوستانانە کردەوە وەک ڕێگەیەک بۆ گەیشتن بە چارەسەرێکی دیپلۆماسی و ڕێگریکردن لە پەرەسەندنی گرژییەکان لە ناوچەکەدا.