نرخی زێڕ زیاتر بەرزدەبێتەوە

ئاڤا نیوز

گۆڕانکارییەکان لە نرخی زێڕ بەردەوامە و ئەندامێکی سەندیکای زێڕنگرانی هەولێر لەوبارەیەوە دەڵێت 'پێشبینی دەکرێت دابەزینێکی خێرا لە نرخی زێڕ ڕووبدات'.

لێدوانی فەرمی: سەفین وەرتی، ئەندامی سەندیکای زێڕنگرانی هەولێر بە ئاڤای ڕاگەیاند: بە بەراورد بە دوو ڕۆژی پێشوو، ئەمڕۆ دووشەممە نرخی هەر ئۆنسەیەک زێڕ 58 دۆلار و یەک مسقاڵیش هەشت هەزار دینار بەرزبووەتەوە.

لەلایەکی دیکەوە: ئەندامەکەی سەندیکای زێڕنگران دەڵێت: بەگوێرەی پێشبینییەکانی شارەزایانی بواری زێڕ چاوەڕوان دەکرێت نرخی زێڕ دابەزینێکی خێرا بەخۆیەوە ببێنێت، بەجۆرێک هەر ئۆنسەیەک زێڕ 150 بۆ 200 دۆلار لە نرخی دابەزێت.

نرخی زێڕ بۆ ئەمڕۆ دووشەممە لە بازاڕەکاندا بەم جۆرەیە:-

٠ مسقاڵێک زێڕ عەیار 22 بە 873 هەزار دینارە

٠ مسقاڵێک زێڕ عەیار 21 بە 833 هەزار دینارە

٠ مسقاڵێک زێڕعەیار 18 بە 715 هەزار دینارە

٠ یەک ئۆنسە زێڕ لە بازاڕەکاندا بە چوار هەزار و 69 دۆلار مامەڵەی پێوە دەکرێت