هەرێمی کوردستان و ئەمریکا جەخت لە گرنگیی پاراستنی سەقامگیریی ناوچەکە دەکەنەوە

ئاڤا نیوز

سەرۆکوەزیران مەسرور بارزانی پێشوازی لە بەڕێوەبەری پێشووی دەزگای هەواڵگریی ئەمریکا دەکات و جەخت لە گرنگیی پاراستنی ئاشتی، ئاسایش و سەقامگیری لە ناوچەکەدا دەکەنەوە.

چیرۆکی سەرەکی: ئەمڕۆ دووشەممە 13-10-2025، مەسرور بارزانی، سەرۆکوەزیرانی هەرێمی کوردستان، پێشوازی لە جەنەراڵ دەیڤد پێترێیۆس، بەڕێوەبەری پێشووی دەزگای هەواڵگریی ئەمەریکا (CIA) کرد.

ڕاگەیینراوی فەرمی: ماڵپەڕی حکومەتی هەرێمی کوردستان بڵاویکردەوە، لە دیدارەکەدا دۆخی گشتیی هەرێمی کوردستان و عێراق و ناوچەکە تاوتوێ کران، هەروەها بیروڕا لەبارەی گۆڕانگاری و پێشهاتەکانی بارودۆخی سووریا و ڕۆژهەڵاتی ناوەڕاست بەگشتی ئاڵوگۆڕ کران، لەمبارەیەوە جەخت لە گرنگیی پاراستنی ئاشتی، ئاسایش و سەقامگیری لە ناوچەکەدا کرایەوە.