سبه‌ی ئه‌نجامی زانکۆلاین ڕاده‌گه‌یێنرێت

ئاڤا نیوز

وه‌زاره‌تی خوێندنی باڵا و توێژینه‌وه‌ی زانستی ڕایده‌گه‌یه‌نێت، سبەی سێشممه‌ 14ـی ئۆكتۆبەر، ئه‌نجامه‌کانی وه‌رگرتنی ده‌رچووانی دوانزه‌ی ئاماده‌یی له‌ زانکۆ و په‌یمانگه‌کان بۆ ساڵی نوێی خوێندنی 2025-2026 ڕاده‌گه‌یه‌نرێت.

چیرۆكی سەرەكی: بۆ ساڵی خوێندنی 2025-2026، نزیكەی 58 هەزار دەرچووی پۆلی 12ـی ئامادەیی لە سەرجەم بەشەكان، لە ماوەی دوو هەفتەی كاراكردنی زانكۆلاین، بە ڕەچاوكردنی كۆنمرەكانیان داواكارییان پێشكەش كرد.

ڕاگەیێنراوی فەرمی: وه‌زاره‌تی خوێندنی باڵا لە ڕاگەیێنراوێكدا ئاماژەی بەوە كردووە، دوای ئەوەی ڕۆژی سێشەممە لە كۆنفرانسێكی ڕۆژنامەوانی، ئەنجامەكان ڕادەگەیێنرێت؛ ده‌ستده‌کرێت به‌ پرۆسه‌ی خوێندنی قۆناغی یه‌که‌م له‌ زانکۆکان، بۆیه‌ پێویسته‌ له‌سه‌ر وه‌رگیراوان له‌دوای ڕاگه‌یاندنی ئه‌نجامه‌کان ڕاسته‌وخۆ په‌یوه‌ندیی به‌ زانکۆکانیان بکه‌ن، بۆ ئه‌م مه‌به‌سته‌ش زانکۆکانی هه‌رێمی کوردستان ئاماده‌کاری پێویست ده‌که‌ن بۆ پێشوازیکردن له‌ وه‌رگیراوان بۆ ساڵی نوێی خوێندنی 2025-2026.

ئەوەی پێویستە بیزانیت: دەرچووانی دوانزەی ئامادەیی داواكاریی وەرگرتنیان لە 16 زانكۆی حكومی پێشكەش كردووە؛ 680 بەش لە هەر سێ جۆری خوێندنی زانكۆلاین، پارالێڵ و ئێواران بۆ ساڵی نوێی خوێندن بەردەستە.