بایدن ستایشی ڕۆڵی ترەمپ لە ڕێککەوتنی غەززە دەکات

ئاڤا نیوز

دوای دوو ساڵی جەنگی غەززە، ڕێککەوتنی ئاشتی لەژێر سەرکردایەتیی دۆناڵد ترەمپ، سەرۆکی ئەمریکا واژۆکرا، جۆبایدن سەرۆکی پێشووی ئەمریکا ستایشی ڕۆڵی ترەمپ دەکات لەدەستەبەرکردنی ئاشتی لە غەززە.

چیرۆکی سەرەکی: شەڕی غەززە لە سەردەمی ئیدارەی بایدن دەستیپێکرد و دۆناڵد ترەمپ، سەرۆکی ئەمریکا هەمیشە بایدنی بە هۆکاری شەڕەکان زانیوە، بەڵام لەگەڵ ڕێککەوتنی ئاشتی بۆ غەززە بایدن ستایشی هەوڵەکانی ئیدارەی ترەمپ دەکات

بڵاوکراوەی فەرمی: جۆبایدن سەرۆکی پێشووی ئەمریکا لە ئێکس ڕاگەیاند، "من زۆر سوپاسگوزارم  کە ئەم ڕۆژە هاتووە بارمتەکان گەڕانەوە بۆناو باوەشی خێزانەکانیان.


- ڕێگای ئەم ڕێککەوتنە ئاسان نەبوو، ئیدارەکەم ماندوو نەناسانە کاریان کرد بۆ گەڕانەوەی بارمتەکان و دابینکردنی فریاگوزاری بۆ هاووڵاتییانی مەدەنی فەلەستینی و کۆتاییهێنان بە شەڕەکە، دەستخۆشی لە سەرۆک ترەمپ و تیمەکەی دەکەم بۆ هەوڵەکانیان بۆ گەیشتن بە ڕێککەوتنی ئاگربەستی نوێ.

 - ئێستا بە پاڵپشتی ئەمریکا و جیهان، ڕۆژهەڵاتی ناوەڕاست لەسەر ڕێگایەکی ئاشتییە هیواخوازم ئەم ئاشتییە بەردەوام بێت