ئێران لەسەر بانگەوازەکەی ترەمپ هەڵوێست وەردەگرێت

ئاڤا نیوز

ترەمپ داوای ڕێککەوتن لە ئێران دەکات و ئێرانیش وەڵامێکی نەرێنی دەداتەوە. ئەمریکا بە ئەنجامدەری "کردەوەیی تاوانکاری و دژومنکاری" وەسف دەکات.

چی ڕوودەدات: دۆناڵد ترەمپ، سەرۆکی ئەمریکا لە پەرلەمانی ئیسرائیل کاتێ باسی ئێرانی کرد وتی، "کارێکی باش دەبێت ئەگەر ئێران ڕێککەوتنی ئاشتی بکات" ترەمپ وتی، ئێرانیش ئەمەی دەوێت، هاوکات واشنتۆن ئامادەیە بۆ ڕێککەوتن. 

زانیاریی بەدەستهاتوو: وەزارەتی دەرەوەی ئێران لە ڕاگەیێنراوێکدا، ڕەخنە لە بانگەوازەکەی ترەمپ بۆ دیالۆگ دەگرێت و ڕەفتارەکانی واشنتۆن بە دوژمنکارانە وەسف دەکا و ئەوە هاتووە، نیازی ئەمریکا سەبارەت بە ئاشتی هاودژە لەگەڵ هەڵسوکەوتی دوژمنکارانە و تاوانکارەی ئەمریکا دژ بە خەڵکی ئێران.

زانیاریی زیاتر: لە مانگی شەشی ئەمساڵ، ئەمریکا پێنج خولی دانوستانی ناڕاستەوخۆی لەسەر پرسی ئەتۆمی تاران ئەنجامدا، بەڵام دواجار بەهۆی هێرشەکەی ئیسرائیل و ئەمریکاوە بۆ سەر بنکە ئەتۆمییەکانی ئێران دانوستانەکان وەستان.