ترەمپ: ئەردۆغان لە پرسی ئۆکراینا هاوکارمان دەبێت

ئاڤا نیوز

دۆناڵد ترەمپ، سەرۆکی ئەمریکا پێیوایە ڕەجەب تەیب ئەردۆغان، هاوتا تورکییەکەی، دەتوانێت هاوکاربێت بۆ چارەسەرکردنی قەیرانی نێوان ڕووسیا و ئۆکراینا.

زانیاریی بەدەستهاتوو: لە کاتی گەڕانەوەی ترەمپ لە شەرم شێخ بۆ واشنتن لە وەڵامی پرسیارێک کە ئایا سەرکردەکان بە تایبەتی ئەردۆغان دەتوانن یارمەتیدەر بن لە شەڕی نێوان ڕووسیا و ئۆکراینا، لە وەڵامدا ترەمپ وتی، ئەردۆغان لەلایەن ڕووسیا ڕێزی لێدەگیرێت.

چی ڕوودەدات: ترەمپ هەمیشە ستایشی هەوڵەکانی ئەردۆغانی کردووە و بە پیاوێکی زیرەک وەسفی دەکات، دوای ڕێککەوتنی غەززە ئێستا سەرنجەکان لەسەر ڕاگرتنی شەڕی نێوان کێیڤ و مۆسکۆ دەبێت کە ماوەی زیاتر لە سێ ساڵە ئەم شەڕە بەردەوامە، بۆ ئەم پرسە ئەگەر هەیە ئەنقەرە و واشنتن هەماهەنگی بکەن.

 

زانیاریی زیاتر: نووسینگەی ئەردۆغان ڕایگەیاند، هەفتەی ڕابردوو لە ڕێگەی تەلەفۆنەوە ئەردۆغان لەگەڵ ڤلادیمێر پووتین، سەرۆکی ڕووسیا قسەی کردووە و ڕایگەیاندووە، دەستپێشخەرییە دیپلۆماسییەکان پێویستیان بە زەبری هێز هەیە بۆ بەدیهێنانی ئاشتییەکی دادپەروەرانە و بەردەوام لە شەڕی ئۆکرانیا و ڕووسیادا.

ئەوەی لەبارەیەوە دەگوترێت: سێ سەرچاوەی ئاگادار لەم بابەتە ڕایانگەیاند کە ترەمپ ڕۆژی هەینی لە کۆشکی سپی پێشوازی لە ڤۆلۆدیمیر زێلێنسکی سەرۆکی ئۆکراینا دەکات.