ترەمپ مەدالیای ئازادی سەرۆکایەتیی بە "چارلی کیرک" دەبەخشێت

ئاڤا نیوز

بڕیارە ئەمڕۆ سێشەممە دۆناڵد ترەمپ، سەرۆکی ئەمریکا بەرزترین ڕێزلێنانی مەدەنی میللەت کە مەدالیای ئازادی سەرۆکایەتییە، ببەخشێتە چالاکوانی ئەمریکی چارلی کیرک کە لە مانگی ڕابردوو تیرۆر کرا.

وێنە گەورەکە: دوای گەڕانەوەی ترەمپ لە ڕۆژهەڵاتی ناوەڕاست ئەمڕۆ بەشداری مەراسیمی ڕێزلێنانی چالاکوانی دیاری ئەمریکی چارلی کیرک دەکات، 14 ی تشرینی یەکەم ڕۆژی لەدایکبوونی کیرکە. تەمەنی دەبووە 32 ساڵ، ئەو ڕۆژەش وەک ڕۆژێکی نیشتمانی یادکردنەوە لەلایەن ئەنجوومەنی نوێنەران و ئەنجوومەنی پیرانی ئەمریکاوە دیاریکرا.

پەیامی فەرمی: دۆناڵد ترەمپ دوای کوژرانی کیرک وتی، "کەس لەئەو باشتر لە دڵی گەنجانی ئەمریکا تێنەدەگەیشت".

بۆچی گرنگە: ترەمپ ڕایگەیاند، لە دەرەوەی وڵات دەگەڕێتەوە بەشداری ڕێزلێنانەکە دەکات، کیرک بە "هاوڕێ و دۆستی هەموومان" ناوی بردووە، ئەمڕۆش مەدالیای ئازادی سەرۆکایەتی دەبەخشێتە کیرک.

باکگراوند: چارلی کیرکـی تەمەن 31 ساڵ، چالاکوانی دیاری ئەمریکا و لایەنگری سەرسەختی  ترەمپ بوو، دامەزرێنەری گرووپی خوێندکارانی نەریتخواز بوو بەناوی "خاڵی وەچەرخان لە ئەمریکا"، لە مەراسیمێکی تایبەتدا لە 10-9-2025  تەقەی لێکرا و کوژرا.

زانیاریی زیاتر: ترەمپ لە ساڵی ڕابردووەوە دووجار هەوڵی تیرۆرکردنی دراوە. لە یەکێکیاندا، بەسووکی بریندار بوو، دووەمجار لە نزیک یانەیەکی گۆڵف لە نزیک کۆشکەکەی لە ناوچەی "پاڵم بیچ" لە مەیامی هەوڵی تیرۆرکردنی درا.