ئەنجوومەنی وەزیرانی کوردستان لەبارەی مووچەکانی ئەمساڵ کۆبووەوە

ئاڤا نیوز

 

ئەنجوومەنی وەزیرانی هەرێمی کوردستان بەسەرپەرشتیی سەرۆکوەزیران مەسرور بارزانی کۆبووەوە، دوو تەوەر تاوتوێ کران، یەکێکیان پەیوەستە بە مووچەکانی ئەمساڵی خەڵکی کوردستان.

 

ئەوەی پێویستە بیزانیت: بڕگەی یەکەم کە ئەنجوومەنی وەزیرانی کوردستان گفتوگۆی لەسەر کرد، خستنەڕووی دەرئەنجامی پێداچوونەوە و هەڵسەنگاندنی بارودۆخی دارایی هەرێمی کوردستان بوو کە لە ماوەی پێشوودا ئەنجامدرا، بۆ هەنگاوەکانی خەرجکردنی مووچەی مانگەکانی ساڵی 2025.

 

لەلایەکی دیکە: یەکێکی دیکە لەو تەوەرانەی گفتوگۆی لەسەر کرا؛ خستنەڕووی ستراتیژییەتی نیشتمانیی پێنج ساڵە 2025-2029 بۆ بەهێزکردنی سەروەریی یاسا و چەسپاندنی دادپەروەری لە عێراق و هەرێمی کوردستان، بە مەبەستی تاوتوێکردن و پەسەندکردنی لەلایەن ئەنجومەنی وەزیران. 

زانیاریی زیاتر؛ ئەم ستراتیژیەتە بە هەماهەنگی لە نێوان هەردوو وەزارەتی دادی حکومەتی هەرێم و حکومەتی فیدراڵی گەڵاڵە کراوە.