حەماس چوار تەرمی بارمتەکانی ڕادەستی ئیسرائیل کردەوە

ئاڤا نیوز

لە بەردەوامی جێبەجێکردنی ڕێککەوتنامەی غەززە، ئەمڕۆ  چوارشەممە تەرمی چوار بارمتەی دیکەی ئیسرائیلی کە ڕۆژی سێشەممە لەلایەن حەماسەوە ڕادەستی خاچی سوور کرانەوە،  گەیێنرانەوە ئیسرائیل.

 

وێنە گەورەکە؛ بەپێی ڕێککەوتنی ئاگربەستی غەززە، ئیسرائیل دەبێت لە بەرامبەر هەر تەرمێکی بارمتەکان، تەرمی 15 فەلەستینی ڕادەست بکاتەوە، تاوەکو ئێستا نزیکەی 20 تەرمی بارمتەی دیکە ماوە کە چاوەڕوان دەکرێت ئیسرائیل وەریان بگرێتەوە.

 

ڕاگەیێنراوی فەرمی: سوپای ئیسرائیل ڕایگەیاند، ئەمڕۆ چوارشەممە تەرمی 4 بارمتە گەڕێنراونەتەوە، بۆ پشکنین ڕەوانەی پزیشكی داد دەکرێن.

 

زانیاریی زیاتر: نووسینگەی بنیامین نەتانیاهۆ سەرۆکوەزیرانی ئیسرائیل ڕایگەیاند، حکومەت و دەزگاکانی گەڕان و فریاگوزاری پابەندن و کاردەکەن بۆ گەڕاندنەوەی هەموو بارمتە مردووەکان بۆ ناشتنێکی دروست لە زێدی خۆیان، داواکارین حەماس پابەندی بەڵێنەکانی لەگەڵ ناوبژیوانان و گەڕاندنەوەی سەرجەم بارمتەکان بێت.

 

ئەمەش بزانە: لە نوێترین هەنگاوی جێبەجێکردنی ڕێککەوتنی ئاگربەستی غەززە، سەرەتا تەرمەکان ڕادەستی خاچی سوور دەکرێن، دواتر بۆ ئیسرائیل دەگوازرێنەوە.