پووتین و ئەحمەد شەرع لە مۆسکۆ کۆبوونەوە

ئاڤا نیوز

 

لە یەکەمین سەردانی فەرمییدا بۆ ڕووسیا، ئەحمەد شەرع، سەرۆککۆماری سووریا لەگەڵ ڤلادێمیر پووتین، سەرۆکی ڕووسیا لە مۆسکۆ کۆبووەوە. شەرع دوای کۆبوونەوەکە جەختی لەوە کردەوە کە دیمەشق هەوڵ دەدات پەیوەندییەکانی لەگەڵ مۆسکۆ دابڕێژێتەوە.

 

چیرۆکی سەرەکی؛ ئەمڕۆ چوارشەممە، ئەحمەد شەرع بە یاوەری شاندێکی باڵای وڵاتەکەی کە پێکهاتبوون لە:  ئەسعەد شەیبانی، وەزیری دەرەوە و مورهەف ئەبو قەسرە، وەزیری بەرگری گەیشتە مۆسکۆ و لەگەڵ پووتین کۆبووەوە.

 

ڕاگەیێنراوی فەرمی: ئەحمەد شەرع دوای کۆبوونەوەی لەگەڵ پووتین ڕایگەیاند: هەوڵ دەدەین سووریای نوێ لە سەرانسەری جیهاندا بناسێنین و ڕووسیاش یەکێکە لەو وڵاتانەی پەیوەندییەکی باشمان لەگەڵدا هەیە.

- دووپاتی دەکەینەوە پەیوەندییەکی بەهێز لە نێوان سووریا و ڕووسیادا هەیە و کار بۆ گەڕاندنەوەی ئەو پەیوەندییانە دەکەین.
- ڕێز لە هەموو ڕێککەوتنەکانی ڕابردوو لەگەڵ ڕووسیا دەگرین.
- کاردەکەین بۆ پێناسەکردنەوەی سرووشتی پەیوەندییەکان لەگەڵ ڕووسیا.

 

لەلایەکی دیکەوە: ڤلادێمیر پووتین ڕایگەیاند:  ڕووسیا و سوریا پەیوەندییەکی تایبەتیان هەیە لە ماوەی چەندین دەیەی ڕابردوودا. لەبارەی پرسی هەڵبژاردنی پەرلەمانی سووریاوە پووتین بە "سەرکەوتنێکی گەورە" ناوبرد گوتی، ئەو هەڵبژاردنە پەیوەندییەکانی نێوان هەموو هێزە سیاسییەکان پتەوتر دەکات.

لە کۆتاییدا پووتین ئامادەی وڵاتەکی دەربڕی تاوەکو "لە ڕێگەی وەزارەتی دەرەوە ڕاوێژ و پەیوەندیی بەردەوام لەگەڵ سووریا ئەنجام بدات.

 

بە تەنیشت ئەم بابەتەوە: ڕۆژی سێشمەممە ئاژانسی ڕۆیتەرز بڵاوی کردەوە یەکێک لە تەوەرەکانی سەر مێزی گفتوگۆی شەرع و پووتین ڕادەستکردنەوەی بەشار ئەسەد بە دیمەشق دەبێت کە ئێستا لە ڕووسیا نیشتەجێیە.