ئیسرائیل: شەڕی غەززە دوای چەکداماڵینی حەماس کۆتایی دێت

ئاڤا نیوز

 

سەرۆکوەزیرانی ئیسرائیل ئاشکرای دەکات، جەنگی دوو ساڵەی غەززە بە جێبەجێکردنی قۆناغی دووەمی ڕێککەوتنی ئاگربەستەوە گرێدراوە و، بەو شێوەیە کۆتایی دێت کە چەکداماڵینی حەماسیش دەگرێتەوە.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل لە چاوپێکەوتنێکی تەلەفزیۆنیدا لەگەڵ کەناڵی 12 ئیسرائیلی ڕایگەیاند، "جەنگی غەززەکە کاتێک کۆتایی دێت کە هەموو مەرجەکانی ڕێککەوتنەکە جێبەجێکران، کە ئەویش گەڕانەوەی هەموو بارمتەکان، هەڵوەشاندنەوەی حەماس و داماڵینی چەکە لە کەرتی غەززە".

 

زانیاریی بەدەستهاتوو: نەتانیاهۆ دەشڵێت، ناوی شەڕی غەززە بۆ 'شەڕی بوژانەوە' دەگۆڕین. وتیشی "جەنگەکە ڕووخساری ڕۆژهەڵاتی ناوەڕاستی گۆڕی، وەک ئەوەی لە ڕۆژی دووەم یان سێیەمی جەنگدا گوتم، ڕووخساری ڕۆژهەڵاتی ناوەڕاست دەگۆڕین و ڕێک ئەوەمان کرد".