بەشی دووەمی پارەی گەنمی جووتیاران گەیشتە پارێزگای سلێمانی

ئاڤا نیوز

لەماوەی ڕابردوو قۆناغی یەکەمی پارەی گەنمی جووتیاران بەسەر پارێزگاکان دابەشکرا، دەستکراوە بە دابەشکردنی قۆناغی دووەمی پارەکە و ئەمڕۆ چەکی پارەکە گەیشتووەتە سایلۆی سلێمانی.

لێدوانی فەرمی: نەسرین ئەحمەد، بەڕێوەبەری سایلۆکانی سلێمانی، بە ئاڤای ڕاگەیاند، بەشی دووەمی پارەی گەنمی جووتیاران گەیشتە سلێمانی، بڕی پارەکە شەش ملیار دینارە و بۆ هەر شەش سایلۆکەی شاری سلێمانییە، دوای گەیشتنی چەکەکە ڕاستەوخۆ تەمویلمان کردووە بۆ بەغدا پاش ئەنجامدانی ڕێکارە یاسایی و کارگێڕییەکان، پارەکە بەسەر جووتیاران دابەش دەکرێت.

زانیاریی زیاتر: نەسرین ئەحمەد، دەڵێت، ڕێکارە یاساییەکانی بانک 72 کاتژمێری دەوێت، چاوەڕێ دەکەین ڕەزامەندی بەغدا بگەڕێتەوە و دەست بەدابەشکردنی بکەین، چونکە شێوازی دابەشکردنی پارەکە لە سلێمانی جیاوازە لەگەڵ هەولێر و دهۆک، پارەی جووتیارانی سلێمانی لە بانکی هەرێم وەردەگیرێت.