ترەمپ بۆ یەکەمجار نێردەی ئەمریکا بۆ عێراق دیاری دەکات و بازرگانێکی گەنجە

ئاڤا نیوز

سەرۆکی ئەمریکا بۆ یەکەمجار نێردەی تایبەتی وڵاتەکەی بۆ عێراق دەستنیشانکرد و دەڵێت، ئەزموونی ئەو یارمەتیدەر دەبێت لە پێشخستنی بەرژەوەندییەکانی گەلی ئەمریکا.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، دڵخۆشم بە ڕاگەیاندنی ئەوەی کە 'مارک ساڤایا' وەک نێردەی تایبەتی ئەمریکا بۆ عێراق دەستبەکاردەبێت. 

٠ تێگەیشتنی قووڵی مارک لەسەر پەیوەندییەکانی نێوان عێراق و ئەمریکا و پەیوەندییەکانی لە ناوچەکەدا، یارمەتیدەر دەبێت بۆ پێشخستنی بەرژەوەندییەکانی گەلی ئەمریکا.

٠ مارک ڕۆڵێکی سەرەکی هەبوو لە هەڵمەتی هەڵبژاردنم لە میشیگان، لەوێ ئەو و کەسانی دیکە یارمەتیدەر بوون بۆ مسۆگەرکردنی ژمارەیەکی پێوانەیی دەنگی ئەمریکییە موسڵمانەکان.

ئەوەی پێویستە بیزانیت: مارک ساڤایا بازرگانێکی ویلایەتی میشیگانی ئەمریکایە و  تەمەنی 40 ساڵە، هاوڵاتییەکی کلدانی ئەمریکییە و بنەچەی دەگەڕێتەوە بۆ کلدانەکانی عێراق و لە بواری پیشەسازی گژوگیادا کاری کردووە و لە هەڵمەتەکانی ساڵی 2024ـی ترەمپدا بۆنە و چالاکیی ڕێکخستووە کە پاڵپشتی لە کۆمەڵگەی عەرەبی - ئەمریکی و کلدانی لە ویلایەتەکەی بۆ ترەمپ کۆکردووەتەوە.