مەحما خەلیل: خەڵكی شنگال تەنیا پارتی بە داكۆكیكار و بەرگریكاری خۆیان دەزانن

ئاڤا نیوز

قايمقامى پێشووی قەزای شنگال ڕایدەگەیێنێت، خەڵكی شنگال بڕوای تەواویان بۆ دروستبووە كە تەنیا پارتی دەتوانێت داكۆكیكاری مافەكانیان بێت و بەرگریی لە پاراستنیان بكات و لە ئەرزی واقیعدا ئەوەی بەكردەیی سەلماندووە.

وێنە گەورەكە: بڕیارە لە 11ـی 11ـی ئەمساڵ هەڵبژاردنی پەرلەمانی عێراق بکرێت، پارتی بە لیستی ژمارە 275 بەشدارە و لە حامادەکارییەکانی بەردەوامە بە تایبەت لە شنگال و ناوچە کوردستانییەکانی دەرەوەی ئیدارەی کوردستان.

لێدوانی فەرمی: مەحما خەلیل، قایمقامی پێشووی قەزای شنگال و پەرلەمانتاری ئەو خولەی ئەنجوومەنی نوێنەرانی عێراق بە ئاڤای ڕاگەیاند، جێبەجێكردنی ڕێككەوتنی ئاساییكردنەوەی دۆخی شنگال، چارەسەری ڕیشەیی كێشەكانی دەڤەری شنگال دەكرد، بەڵام بەرپرسانی بەغدا بە فشاری وڵاتانی ئیقلیمی، چەندین بەربەست و ڕێگرییان بۆ ڕێككەوتنەكە دروستكردووە.

زانیاریی زیاتر: مەحما خەلیل كە ئێستا كاندیدی ژمارە پێنجی لیستی 275ـی پارتیە لە بازنەی نەینەوا، دووپاتی كردەوە، خەڵكی شنگال بەتەواوی بەو قەناعەتە گەیشتوون كە تەنیا پارتیە داكۆكی لە مافی كوردانی ئێزدی دەكات و بەرگریی پاراستنیان دەكات و ئەوەشی بەكردەیی سەلماندووە.

باکگراوند: هەولێر و بەغدا لە 9ـی تشرینی یەکەمی ساڵی 2020، ڕێككەوتنی ئاساییکردنەوەی دۆخی شنگالیان واژۆ کرد، بەڵام بە هۆكاری سیاسی، ئەمنیی جۆراوجۆر و بەهۆی هەبوونی گرووپی چەكداریی لەیاسادەرچوو، تا ئێستا ڕێككەوتنەكە نەچووەتە بواری جێبەجێكردنەوە.