مەسرور بارزانی بەشداری بانگەشەی پارتی لە هەولێر دەکات

ئاڤا نیوز

بڕیارە ئەمڕۆ دووشەممە مەسرور بارزانی، بەشداری لە بانگەشەی پارتی لە هەولێر بکات و وتارێک پێشکەش بکات.

وێنە گەورەکە: وا بڕیارە لە 11-11-2025، هەڵبژاردنی پەرلەمانی عێراق بەڕێوەبچێت، لەم چوارچێوەیەدا کاندیدەکانی پارتی دیموکراتی دەستیان بە بانگەشە کردووە، لەگەڵ ئەوەشدا سەرۆک مەسعود بارزانی، نێچیرڤان بارزانی و مەسرور بارزانی بەشداری لە کەرنەڤاڵەکانی تایبەت بە ناساندنی کاندیدەکانی پارتی دەکەن، پارتی دەیەوێت لەم هەڵبژاردنەدا یەک ملیۆن دەنگ بەدەستبهێنێت، بەمەش دەبێتە حیزبێکی ملیۆنی لە عێراق و هەرێمی کوردستان.

ئەوەی پێویستە بیزانیت: ئەمڕۆ دووشەممە 20-10-2025، کاتژمێر 02:00ـی دوای نیوەڕۆ، بە ئامادەبوونی مەسرور بارزانی، جێگری سەرۆکی پارتی دیموکراتی کوردستان ئاهەنگی بانگەشەی لیستی 275ـی پارتی لە هەولێر بەڕێوەدەچێت و هەزاران لایەنگری پارتی بەشداری تێدا دەکەن.

زانیاریی زیاتر: پارتی دیموکراتی کوردستان لە بازنەی پارێزگای هەولێر 30 کاندیدی هەیە، کە 22 پیاو و هەشت ئافرەتن.