مەسرور بارزانی: ساڵڕۆژی داستانی پردێ لە نیشتمانپەروەران پیرۆز بێت

ئاڤا نیوز

لەمیانی ئاهەنگی بانگەشەی هەڵبژاردن لە هەولێر، جێگری سەرۆکی پارتی دیموکراتی کوردستان ڕایگەیاند، ئەمڕۆ ساڵڕۆژی بیرهێنانەوەی ئیرادەی نەتەوەیمانە و پیرۆزبایی لە پێشمەرگە قارەمانەکان و نیشتمانپەروەران دەکەم.

چیرۆکی سەرەکی: ئەمڕۆ دووشەممە، بە ئامادەبوونی مەسرور بارزانی، جێگری سەرۆکی پارتی دیموکراتی کوردستان، ئاهەنگی بانگەشەی پارتی لە هەولێر بەڕێوەچوو.

پەیامی فەرمی: مەسرور بارزانی، جێگری سەرۆکی پارتی دیموکراتی کوردستان ڕایگەیاند: ئەمڕۆ ڕۆژی داستانی پردێ ـیە، پیرۆزبایی 20ـی ئۆکتۆبەر لە پێشمەرگە قارەمانەکان و سەرجەم نیشتمانپەروەران دەکەم.

مەسرور بارزانی وتیشی: ئەمڕۆ ساڵڕۆژی بیرهێنانەوەی ئیرادەی نەتەوەییمانە، کە بڕیاری خۆڕاگری و بەرگریکردن لە ماف و کەرامەتی خەڵکی کوردستان و هەرێمەکەمان بەرامبەر خائین و داگیرکەران سەرکەوت، دەبێت بە دەنگی خۆمان لەگەڵ خوشک و براکانمان بووەستین، بۆ ئەوەی لە بەغدا بەرگری لە مافەکانمان بکەن.