شەش هاووڵاتیی ڕۆژهەڵاتی کوردستان سزای زیندانیکردنیان بەسەردا دەسەپێنرێت

ئاڤا نیوز

شەش هاووڵاتیی کوردی ڕۆژهەڵاتی کوردستان بە تۆمەتی پڕوپاگەندە دژی کۆماری ئیسلامیی ئێران سزای زیندانیکردنیان بەسەردا دەسپێنرێت.

لێدوانی فەرمی: نەشمیل عابدی، ئەندامی ڕێکخراوی مافی مرۆڤی هەنگاو بە ئاڤای ڕاگەیاند: ئەو هاووڵاتیانە بەهۆی بەشداریکردنیان لە ڕێوڕەسمی بەخاکسپاردنی کەسێک کە بەدەستی هێزە ئەمنییەکانی ئێران کوژراوە، هاوکات هەبوونی پەیوەندی و وتووێژ لەگەڵ چالاکێکی سیاسی دەرەوەی وڵات و پڕۆپاگەندە دژ بە ئێران سزای بەندکرانیان بەسەردا سەپێنراوە.

ژمارەکان وا دەڵێن: بەپێی زانیارییەکان، سدیق عەباس نەژاد، باوکی سێ منداڵ و خەڵکی گوندی "قەڵای هەلاکووخان"ـە، بێهزاد بەرجەستە تەمەن 32 ساڵ، کەیوان بەرجەستە و نیما قوربانزادە تەمەن 28 ساڵ، هەرسێکیان خەڵکی گوندی «براییم ئاباد»ـی سەر بە شاری میاندواون، هاوکات خالق ڕەحیمی، باوکی سێ منداڵ و موبین مەجیدزادە تەمەن 28 ساڵ، خەڵکی گوندی "گامێش گووڵی" سەر بە شاری میاندواون، بە تۆمەتی پڕۆپاگەندەی دژ بە کۆماری ئیسلامیی ئێران لە لایەن لقی 101ـی دادگای تاوانەکانی دووی میاندواو سزای سێ مانگ و یەک ڕۆژ واتا سەرجەمیان سزای 18 مانگ و شەش ڕۆژ بەندکردنیان بەسەردا سەپێندراوە.

باکگراوند: ئەو هاووڵاتیانە ئێوارەی شەممە 22-2-2025، لە لایەن هێزەکانی ئەمنییەکانی ئێرانەوە لە ماڵەکانی خۆیان دەستبەسەر کرا بوون، دوای یەک مانگ بەدانانی بارمتەی یەک ملیار و پێنسەد ملیۆن تمەنی، بەشێوەی کاتی هەتا تاوەکو کۆتاییهاتنی پرۆسەی دادگاییکردنەکەیان لە بەندیخانەی ناوەندیی ئورمیە ئازاد کرا بوون.