سبەی لە زاخۆ پارتی کەرنەڤاڵێکی گەورەی جەماوەی ساز دەکات

ئاڤا نیوز

سبەی پارتی دیموکراتی کوردستان بە ئامادەبوونی مەسرور بارزانی، گەورەترین کەرنەڤاڵی جەماوەری بانگەشەی هەڵبژاردن لە یاریگەی زاخۆ ساز دەکات. 

چیرۆکی سەرەکی: بۆ هەڵبژاردنی پەرلەمانی عێراق، پارتی بە گڕوتینێکی زۆرەوە بانگەشەی هەڵبژاردنی بۆ لیستی 275 لە تەواوی ناوچەکان دەستپێکردووە و ڕۆژانە سەدان کەس ئامادە کۆبوونەوە جەماوەرییەکانی ئەو حیزبە دەبن. 

زانیاریی زیاتر: سبەی سێشەممە مەسرور بارزانی، جێگری سەرۆکی پارتی دیموکراتی کوردستان لە زاخۆ ئامادە دەبێت و وتارێک پێشکەش بە ئامادەبووانی بانگەشەی پارتی دەکات، چاوەڕوانیش دەکرێت هەزاران کەس ئامادەی ئەو کەرنەڤاڵە جەماوەرییە بن. 

ئەمەش بزانە: هەر لە کەرنەڤاڵە گەورەی سبەی پارتی لە زاخۆ هونەرمەندی دیاری کوردستان 'عەبدولقەهار زاخۆییش" ئامادە دەبێت و چەند بەرهەمێکی تایبەت پێشکەش دەکات. 

ئەوەی پێویستە بیزانیت: سەرەڕای ئەوەی زاخۆ پاکترین کەشوهەوای هەیە لەسەرتاسەری عێراق و کوردستان، لە کابینەی نۆیەمی حکومەتی هەرێمی کوردستان دەیان پڕۆژەی گرنگ و ستراتیژی لە چەندین بواری جیاجیادا بۆ جێبەجێکراوە کە کاریگەرییەکی بەرچاوی هەبووە لەسەر بوژاندنەوەی کەرتی گەشتیاری لەوناوچەیە و هەلی کاری بۆ ژمارەیەکی زۆر لە هاونیشتمانیان دابینکردووە.