پارتی لە زاخۆ کەرنەڤاڵێکی گەورەی جەماوەری ئەنجام دەدات

ئاڤا نیوز

وا بڕیارە ئەمڕۆ سێشەممە، پارتی دیموکراتی کوردستان کەرنەڤاڵێکی گەورەی جەماوەری لە (یاریگەی دەلال)ـی زاخۆ ئەنجام بدات و مەسرور بارزانی، جێگری سەرۆکی پارتی وتارێک پێشکەش بکات.

وێنە گەورەکە: بۆ هەڵبژاردنی ئەم خولەی پەرلەمانی عێراق، پارتی دیموکراتی کوردستان بە لیستی 275 بەشداری هەڵبژاردنی کردووە و لە بازنەی دهۆک 22 کاندیدی هەیە.

لێدوانی فەرمی: د.نازدار عارف، بەرپرسی ڕۆشنبیری و ڕاگەیاندنی لقی هەشتی پارتی لە زاخۆ بە ئاڤا میدیای وت، ئەمڕۆ لە یاریگەی دەلال کە دەکەوێتە گەڕەکی شوقە لە زاخۆ کەرنەڤاڵێکی گەورەی جەماوەری بەڕێوەدەچێ و مەسرور بارزانی، جێگری سەرۆکی پارتی ئامادەی دەبێت، وتارێک پێشکەش دەکات. هاوکات لە کەرنەڤاڵەکە هەر 22 کاندیدەکەی بازنەی دهۆکیش ئامادەی دەبن و چاوەڕێ دەکرێت لەم کەرنەڤاڵە هەزاران کەس بەشداری بکەن.

د.نازدار عارف دەشڵێت: لە کەرنەڤاڵەکە هونەرمەند عەبدولقەهار زاخۆیی بەشدار دەبێت و چەندین گۆرانی پێشکەش دەکات.

ئەوەی چاوەڕێ دەکرێت: لەماوەی تەمەنی کابینەی نۆیەمی حکومەتی هەرێمی کوردستاندا، بەشێکی بەرچاوی پڕۆژەکان لە ئیدارەی سەربەخۆی زاخۆ کراون و چاوەڕێ دەکرێت بە هەزاران کەس لە کەرنەڤاڵەکە ئامادەی بن.