توێکڵ و گوێزی دار سنەوبەر پیربوونی پێست دوادەخات

ئاڤا نیوز  

 توێکڵ و گوێزی دار سنەوبەر، پێکهاتەیەکی نوێیە لە بەرهەمەکانی چاودێری پێستدا بەکاردێت، کە رێگری دەکات لە پیربوونی پێست و زیپکە و پەڵە لەناو دەبات.

چیرۆکە سەرەکییەکە: دار سنەوبەر پڕە لە پێکهاتە کە ئێمە زۆر لەبارەیەوە نازانین، بەڵام لەم دواییانەدا دەرکەوتووە کە پێست تازە و ڕەق و بەرز دەکاتەوە و لە پیربوون دەیپارێزێت. 

ئەوەی پێوستە بیزانیت: توێژینەوەکان دەریدەخەن توێکڵی سنەوبەر دەوڵەمەندە بە پیکنۆجینۆڵ و توانای بەرەنگاربوونەوەی هەوکردنی بەکتریای هەیە، ڕیشاڵی خانەکان لە تێکچوون و پیربوون دەپارێزێت، هەروەها پارێزگاری لە سووربوونەوە و پەڵەی ڕەش دەکات، کە لە ئەنجامی زۆر بەرکەوتنی تیشکی خۆرەوە دروست دەبێت.